Kisitsisitigut paasissutissiorneq

Immikkoortuni kisitsisitigut paasissutissat assigiinngitsut saqqummersinneqartut agguarnerat takussutissiamit ataaniittumit erserput. 2015-imi ukiullu siuliini Naatsorsueqqissaartarfiup saqqummersitai immikkoortiterluagaanerusunngorlugit takussutissiorneri nittartakkimi takuneqarsinnaapput.

 

Saqqummersitat amerleriapiloorsimanerannut kisitsisit saqqummersinneqartartut ukiumoortumik saqqummersittarunnaarlugit qaammammoortumik ukiumulluunniit sisamakkaartumik saqqummersinneqartalersimaneri ilaatigut pissutaavoq. Takornariaqarnermut, suliffeqarfimmut aalisarnermullu tunngasut 2016-imi qaammammoortumik saqqummertarnissaat pilersaarutigineqarpoq.

 

Takussutissiaq 1. 2010-2015 saqqummersitat amerlassusivii aamma immikkoortut kisitsisitigut paasissutissanik suliaqarfiusut malillugit 2016-imi saqqummersitassatut pilersaarutaasut

 

2010

2011

2012

2013

2014

2015

2016

Ukiumoortumik saqqummersitat. .

2

2

2

2

2

2

2

Aningaasaqarneq pillugu kisitsisitigut paasissutissat ............

18

17

21

18

23

29

45

Innuttaasut pillugit kisitsisitigut paasissutissat……………… .....

5

6

9

8

8

11

17

Suliffeqarneq pillugu kisitsisitigut paasissutissat…….. ..........

7

12

19

23

23

30

37

Katillugit …………………

32

37

51

51

56

72

101

*Kisitsit Takussutissiaq 4-mit allaanerusinnaapput saqqummersitat nutaat peerneqarsimasulluunniit pissutigalugit

 

Ukiut siuliinut sanilliullugu 2015-imi saqqummersitat allannguutaat pingaarnerit ataani naatsumik allaaserineqarput.

 

Nuna tamakkerlugu naatsorsuutit

Nuna tamakkerlugu naatsorsuutaagallartunut siumut naatsorsuinissamut tunngavilersuut 2015-imi pitsanngoriarsimavoq. Naatsorsuinermut paasissutissanik amerlanernik katersinissaq atuinissarlu salliutinneqarsimavoq.

 

Takornariaqarneq

Timmisartunut ilaasut nuna angerlarsimaffiusoq pillugu kisitsisitigut paasissutissat Naatsorsueqqissaartarfiup 2014-imi siullermeerluni saqqummersippaa. Timmisartunut ilaasut Kalaallit Nunaannit aallartut nuna angerlarsimaffiat pillugu apeqqutinik kisitsisitigut paasissutissat tunngaveqarput. Aasap qaammatai 2014-imut kisitsisitigut paasissutissani pineqarput. Apersuinermik aallartitsinermi annertuumik ajornartorsiuteqarneq pissutaalluni – timmisartunut ilaasut apersuinermi tamakkerneqanngillat. 2015-imi ukioq tamaat pillugu kisitsisitigut paasissutissaapput, timmisartumut ilaasut amerlanerit paasissutissanut ilaapput.

 

Umiarsuit takornarianik ilaasullit nalunaaruteqartarnissaannik piumasaqaat nutaaq ilaasut inuiaassusaannik umiarsualivinnillu tikinneqarsimasunik immikkoortiterisinnaanngortitsivoq.

 

Aningaasaqarnikkut pissutsit

2015-imi Naatsorsueqqissaartarfiup Aningaasaqarnikkut pissutsit kisitsisitigut paasissutissiarisalerpai. Kisitsisit ukiumut sisamariarlugit saqqummiunneqartassapput. Aningaasaqarnikkut pissutsinut kisitsisit makkununnga tunngasut ilaapput; suliffeqarfinnut niuerneq, usinik assartuineq, aningaasaqarneq Namminersorlutillu Oqartussat naatsorsuutaat pingaartumik akileraartarnermut akitsuutillu saqqummiunneqartassallutik.

 

Kommunit naatsorsuutaat

Naatsorsueqqissaartarfiup 2015-imi Kommunit 2009-mit 2014-imut naatsorsuutaanni kisitsisit pingaarnerit tamanut saqqummiuppai. Kontunut pilersaarut pisortanit akuerineqartoq, kontomut pingaarnermut (ass. meeqqat atuarfiat) paasissutissanik kontomut nalinginnaasumut (ass. akissarsiat) paasissutissartalimmut ataqatigiissaarisinnaatitsisoq, malillugu naatsorsuutit inissititerneqarput. Kommunit kisitsisaataasa pingaarnerit nassiuttarnissaat KANUKOKAp siornatigut isumagisarnikuuai.

 

Isumaginninnermi kisitsisitigut paasissutissat

Inunnik isumaginninnermi ikiorsiissutit kisitsisitigut paasissutissartai amerlaninngorlugit saqqummiussallu nalunaarsuutilersorluaganngorlugit 2015-imi agguarneqarput. Kommunit naatsorsueriaasiannit paasissutissat ikiorserniarlugit pisortat akissarsialeriffiannit paasissutissat atorneqarput saqqummersitallu ineqarnermut tapiissutit meeqqallu tapiinik tunngasunik aatsaat siullerpaamik imaqarput.

 

Aalisarneq piniarnerlu

Aalisarneq pillugu kisitsisitigut paasissutissat pisunut tulluarsagaasut 2015-imi akulikinnerusumik saqqummiunneqartalerput. Aalisakkanik qalerualinnillu tunisaqartarnermi kisitsisitigut paasissutissat kisitsisaataasivimmut qaammammoortumik tamanut saqqummiunneqartalerput. Taassuma saniatigut kisitsisaataasivik avataasiorluni aalisarneq pillugu kisitsisinik ukiumut sisamariarluni nutarterneqartassaaq.

 

Maanna suliarineqartut

Kisitsisitugit paasissutissanik nutaanik pilersitsinissamut nukissat 2015-imi atorneqarput taakkulu 2016-imi saqqummernissaat naatsorsuutigineqarpoq. Inuusuttut sulisartut aamma suliffeqarneq (2016-imi februaarip pingajuanni saqqummertoq) aamma aningaasaatikinnerit pillugit Naatsorsueqqissaartarfik saqqummiinissaanut Aningaasanut Inatsisikkut akuersissutigineqarnikuuvoq. Taasuma saniatigut politiit qarasaasiaannit paasissutissat toqqammavigalugit pinerluuteqarsimasut pillugit kisitsisit aamma akiliisarnerup naligiissinnera pillugu kisitsisit ineriartortinnissaat siulersuisut pingaartissimavaat.